﻿كْنتِ تِقٍ.
2.
عَلَتَلَ نَشَ عَ مَسٍن مُنسَ نُن هَرُنَ بّ، 
«عِسِرَيِلَكَ بِرِن يٌنكِنمَ عٍ شَبِلّ شَ تْنشُمَ نَن بُن مَ. عٍ بِرِن يَ رَقِندِ مَ عٍ بٌورٍيٍ نَن مَ، هْرْ مْلِنفِرَ قَ لُ عٍ تَفِ.» 
يُدَ بْنسْي نَن يٌنكِنمَ سٌفٍتٍدٍ مَبِرِ عٍ شَ تْنشُمَ بُن مَ. عَمِنَدَبٌ شَ دِ نَشَسٌن نَن عٍ شَ يَرٍرَتِ رَ. 
عَ شَ سْورِيٍ شَسَبِ لَن مِشِ وُلُ تٌنفٌ سٌلٌقٍرٍ نُن نَانِ، مِشِ كّمّ سٍننِ نَن مَ. 
عِسَكَرِ بْنسْي نَن يٌنكِنمَ يُدَ بْنسْي سّيتِ مَ عٍ شَ تْنشُمَ بُن مَ. سُوَرَ شَ دِ نٍتَنٍيلِ نَن عٍ شَ يَرٍرَتِ رَ. 
عَ شَ سْورِيٍ شَسَبِ لَن مِشِ وُلُ تٌنفٌ سُولِ نُن نَانِ، مِشِ كّمّ نَانِ نَن مَ. 
سَبُلٌن بْنسْي نَن يٌنكِنمَ يُدَ بْنسْي سّيتِ مَ عٍ شَ تْنشُمَ بُن مَ. شٍلٌن شَ دِ عٍلِيَبِ نَن عٍ شَ يَرٍرَتِ رَ. 
عَ شَ سْورِيٍ شَسَبِ لَن مِشِ وُلُ تٌنفٌ سُولِ نُن سٌلٌقٍرٍ، مِشِ كّمّ نَانِ نَن مَ. 
فَلِ نَشَن يٌنكِن يُدَ بْنسْي مَبِرِ، عٍ شَسَبِ لَن مِشِ وُلُ كّمّ مِشِ وُلُ تٌنفٌ سٌلٌمَسَشَن نُن سٍننِ، مِشِ كّمّ نَانِ نَن مَ. عٍ تَن نَن تِمَ يَرٍ رَ. 
رُبٍن بْنسْي نَن يٌنكِنمَ سٌفٍتٍدٍ مَبِرِ عٍ شَ تْنشُمَ بُن مَ. سٍدٍيُرِ شَ دِ عٍلِسُرُ نَن عٍ شَ يَرٍرَتِ رَ. 
عَ شَ سْورِيٍ شَسَبِ لَن مِشِ وُلُ تٌنفٌ نَانِ نُن سٍننِ، مِشِ كّمّ سُولِ نَن مَ. 
سِمٍيْن بْنسْي نَن يٌنكِنمَ رُبٍن بْنسْي سّيتِ مَ عٍ شَ تْنشُمَ بُن مَ. سُرِ سَدَيِ شَ دِ سٍلُمِيٍلِ نَن عٍ شَ يَرٍرَتِ رَ. 
عَ شَ سْورِيٍ شَسَبِ لَن مِشِ وُلُ تٌنفٌ سُولِ نُن سٌلٌمَنَانِ، مِشِ كّمّ سُولِ نَن مَ. 
فَدِ بْنسْي نَن يٌنكِنمَ رُبٍن بْنسْي سّيتِ مَ عٍ شَ تْنشُمَ بُن مَ. دُوٍلِ شَ دِ عٍلِيَسَقَ نَن عٍ شَ يَرٍرَتِ رَ. 
عَ شَ سْورِيٍ شَسَبِ لَن مِشِ وُلُ تٌنفٌ نَانِ نُن سُولِ، مِشِ كّمّ سٍننِ نُن تٌنفٌ سُولِ نَن مَ. 
فَلِ نَشَن يٌنكِن رُبٍن بْنسْي مَبِرِ، عٍ شَسَبِ لَن مِشِ وُلُ كّمّ مِشِ وُلُ تٌنفٌ سُولِ نُن كٍرٍن، مِشِ كّمّ نَانِ نُن تٌنفٌ سُولِ نَن مَ. عٍ تَن نَن سِفَمَ عَ قِرِن ندٍ. 
لٍوِ بْنسْي نَشَن يٌنكِنمَ عٍ تَفِ، عَ بِرَ مَ عٍ قْشْ رَ هْرْ مْلِنفِرَ شَنِنقٍ رَ. بْنسْي بِرِن حّرّ مَ عٍ سَقّ كِ نَن مَ عٍ شَ تْنشُمَ بُن مَ. 
عٍقِرَ مِ بْنسْي نَن يٌنكِنمَ سٌفٍفٌرٌدٍ مَبِرِ عٍ شَ تْنشُمَ بُن مَ. عَمِشُدِ شَ دِ عٍلِسَمَ نَن عٍ شَ يَرٍرَتِ رَ. 
عَ شَ سْورِيٍ شَسَبِ لَن مِشِ وُلُ تٌنفٌ نَانِ، مِشِ كّمّ سُولِ نَن مَ. 
مَنَسِ بْنسْي نَن يٌنكِنمَ عٍقِرَ مِ بْنسْي سّيتِ مَ عٍ شَ تْنشُمَ بُن مَ. ثٍدَ سُرُ شَ دِ فَمَلِيّلِ نَن عٍ شَ يَرٍرَتِ رَ. 
عَ شَ سْورِيٍ شَسَبِ لَن مِشِ وُلُ تٌنفٌ سَشَن نُن قِرِن، مِشِ كّمّ قِرِن نَن مَ. 
بُنيَمِن بْنسْي نَن يٌنكِنمَ عٍقِرَ مِ بْنسْي سّيتِ مَ عٍ شَ تْنشُمَ بُن مَ. فِدٍيٌنِ شَ دِ عَبِدَن نَن عٍ شَ يَرٍرَتِ رَ. 
عَ شَ سْورِيٍ شَسَبِ لَن مِشِ وُلُ تٌنفٌ سَشَن نُن سُولِ، مِشِ كّمّ نَانِ نَن مَ. 
فَلِ نَشَن يٌنكِن عٍقِرَ مِ بْنسْي مَبِرِ، عٍ شَسَبِ لَن مِشِ وُلُ كّمّ مِشِ وُلُ سٌلٌمَسَشَن، مِشِ كّمّ نَن مَ. عٍ تَن نَن سِفَمَ عَ سَشَن ندٍ. 
دَنَ بْنسْي نَن يٌنكِنمَ يِرٍقَنيِ مَبِرِ عٍ شَ تْنشُمَ بُن مَ. عَمِسَدَيِ شَ دِ عَشِيٍسٍرِ نَن عٍ شَ يَرٍرَتِ رَ. 
عَ شَ سْورِيٍ شَسَبِ لَن مِشِ وُلُ تٌنفٌ سٍننِ نُن قِرِن، مِشِ كّمّ سٌلٌقٍرٍ نَن مَ. 
عَسٍرِ بْنسْي نَن يٌنكِنمَ دَنَ بْنسْي سّيتِ مَ عٍ شَ تْنشُمَ بُن مَ. عٌكِرَن شَ دِ ثَفِيّلِ نَن عٍ شَ يَرٍرَتِ رَ. 
عَ شَ سْورِيٍ شَسَبِ لَن مِشِ وُلُ تٌنفٌ نَانِ نُن كٍرٍن، مِشِ كّمّ سُولِ نَن مَ. 
نَقَتَلِ بْنسْي نَن يٌنكِنمَ دَنَ بْنسْي سّيتِ مَ عٍ شَ تْنشُمَ بُن مَ. عٍنَن شَ دِ عَشِرَ نَن عٍ شَ يَرٍرَتِ رَ. 
عَ شَ سْورِيٍ شَسَبِ لَن مِشِ وُلُ تٌنفٌ سُولِ نُن سَشَن، مِشِ كّمّ نَانِ نَن مَ. 
فَلِ نَشَن يٌنكِن دَنَ بْنسْي مَبِرِ، عٍ شَسَبِ لَن مِشِ وُلُ كّمّ مِشِ وُلُ تٌنفٌ سُولِ نُن سٌلٌقٍرٍ، مِشِ كّمّ سٍننِ نَن مَ. عٍ تَن نَن سِفَمَ عَ دْنشْي رَ عٍ شَ تْنشُمَيٍ بُن مَ. 
عِسِرَيِلَكَ نَشٍيٍ تّنفّ عٍ شَبِلّ كِ مَ نُن عٍ شَ سْورِ فَلِ كِ مَ، عٍ شَسَبِ لَن مِشِ وُلُ كّمّ سٍننِ نُن سَشَن، مِشِ كّمّ سُولِ نُن تٌنفٌ سُولِ نَن مَ. 
لٍوِ بْنسْي تَن مُ تّنفّ عِسِرَيِلَكَيٍ شُن مَ، عَلْ عَلَتَلَ عَ مَسٍن كِ نَشّ مُنسَ بّ. 
عِسِرَيِلَكَيٍ نَشَ بِرَ عَلَتَلَ شَ يَامَرِ بِرِن قْشْ رَ، عَلْ عَ مُنسَ يَمَرِ عَ رَ كِ نَشّ. عٍ نُ يٌنكِنمَ عٍ شَ تْنشُمَ نَن بُن مَ، عٍ مَن نُ حّرّ مَ عٍ شَبِلّ نُن عٍ شَ دٍنبَيَ كِ نَن مَ. 
