﻿عَننَبِ هٌسٍ.
11.
«ﭑ عِسِرَيِلَ شَنُ نّ عَ دِ مّدِ تّمُي. ﭑ نَشَ ﭑ مَ دِ شِلِ عَ شَ كٍلِ مِسِرَ بْشِ مَ. 
كْنْ ﭑ تٌ نُ عٍ شِلِمَ، عٍ نَشَ عٍ مَكُيَ ﭑ نَ، عٍ سّرّشّ بَ بَلِ كُيٍيٍ بّ، عٍ سُرَيِ فَن فّمّ مَسٌلِشِيٍ بّ. 
ﭑ تَن نَن نُ عٍقِرَ مِ مَلِقٍ عَ شَ حّرّ كُي، كْنْ عٍ مُ عَ كٌلٌنشِ عَ ﭑ تَن نَن نُ مّينِقٍ عٍ مَ. 
ﭑ نُ نَ عٍ مَبّندُنقٍ مَرَقَنيِ نُن شَنُنتٍيَ رَ. ﭑ تَن نَن عٍ رَ مِنِ كٌنيِيَ كُي، عَلَكٌ عٍ شَ بَلٌ عَ قَنيِ رَ. 
يَكْسِ، هَلِ عٍ مُ قَ سَ فبِلٍن مِسِرَ بْشِ مَ، عَسِرِيَ نَن نْي سْتْمَ عٍ شُن نَ، بَرِ مَ عٍ بَرَ تٌندِ فبِلٍندٍ ﭑ مَ. 
نَ نَن عَ رَ سَنتِدّفّمَ قَمَ عٍ شَ تَايٍ لِدٍ، عَ قَ عٍ شْنيِ بِرِن كَنَ. عٍ وَشْنقٍ مُ سْونّيَمَ سْنْن. 
ﭑ مَ حَمَ بَرَ فبِلٍن ﭑ قْشْ رَ. هَلِ عٍ بِرِن ﭑ شِلِ، ﭑ مُ عٍ شُن نَكٍلِمَ.» 
«كْنْ عٍقِرَ مِ، ﭑ شَ عِ رَبّحِن دِ؟ ﭑ شَ عِسِرَيِلَ رَبٌلٌ دِ؟ ﭑ مُ نْمَ قٍ رَبَدٍ عِ رَ عَلْ ﭑ نَشَن نَبَشِ عَدَ مَهَ. ﭑ شَ عِ لُ عَلْ سٍبٌيِمِ؟ تْورّ بَرَ ﭑ بْحّ سُشُ. ﭑ بَرَ كِنِكِنِ وٌ مَ. 
ﭑ بَرَ ﭑ مَ نَتّ مَسَرَ، ﭑ بْحّ بَرَ شِنبٍلِ. ﭑ بَرَ دِحّ عٍقِرَ مِ مَ، بَرِ مَ عَلَ نَن ﭑ نَ. عَدَ مَ مُ نَ ﭑ تَن نَ. سّنِيّنتْي نَن ﭑ نَ وٌ تَفِ. ﭑ بَرَ ﭑ مَ شْنّ لُ نَ. 
عٍ قَمَ نّ بِرَدٍ عَلَتَلَ قْشْ رَ. عَلَ نَ عَ شُي رَ مِنِ سّنبّ رَ عَلْ يّتّ مَفَاشُشِ، عٍ قَمَ نّ لُدٍ عَ شَنبِ رَ كٍلِقٍ سٌفٍفٌرٌدٍ مَبِرِ. 
عٍ كٍلِمَ نّ مِسِرَ بْشِ مَ عَلْ شْنِيٍ، عٍ كٍلِمَ نّ عَسِرِيَ بْشِ مَ عَلْ فَنبّيٍ.» عَلَتَلَ شَ مَسٍنيِ نَن نَ كِ. 
