﻿عَلَ شَ مَسٍنيِ عَننَبِ ثْلُ نَشَن سّبّ قِلٍمٌن مَ.
1.
ﭑ تَن ثْلُ نَن يِ كِ، نَشَن بَرَ قِندِ فٍيلِمَنِ رَ عَلَ شَ مِشِ سُفَندِشِ بّ. مُشُ نُن وٌن نفَشَكٍرٍنيِ تِمٌتٍ نَن يِ بَتَاشّ سّبّقٍ، كَتَرَبِ قِلٍمٌن مَ مُشُ شَنُنتٍنيِ نُن مُشُ وَلِبٌورٍ، 
عَ نُن عَثِيَ مُشُ مَافِنّ، عَ نُن عَرِكِثٍ مُشُ فٍرٍ سٌ بٌورٍ عَلَ شَ فٍرٍ شَ قٍ رَ، عَ نُن دَنشَنِيَتْي حَمَ نَشَن عٍ مَلَنمَ عِ تَن قِلٍمٌن شْنيِ. 
وٌن بَبَ عَلَ نُن عَ شَ مِشِ سُفَندِشِ، وٌن مَرِفِ عِسَ شَ هِننّ نُن بْحّسَ قِ وٌ مَ. 
تّمُي بِرِن، ﭑ نّ ﭑ مَرِفِ عَلَ مَشَندِ مَ عِ بّ، ﭑ عَ تَنتُمَ نّ عِ شَ قٍ رَ، 
بَرِ مَ ﭑ بَرَ عَ مّ عِ دَنشَنِيَشِ مَرِفِ عِسَ مَ كِ نَشّ، عِ مَن سّنِيّنتْييٍ بِرِن شَنُشِ كِ نَشّ. 
ﭑ عَلَ مَشَندِقٍ عِ بّ عَلَكٌ نفَشَكٍرٍنيَ نَشَن كٍلِمَ عِ شَ دَنشَنِيَ مَ، عَ شَ عَ نِيَ عِ شَ قَهَامُي شَ فبٌ، عِ شَ نْ قٍ قَنيِ بِرِن كٌلٌندٍ نَشَن نَ وٌن يِ رَ عَلَ شَ مِشِ سُفَندِشِ سَابُي رَ. 
ﭑ نفَشَكٍرٍنيِ قِلٍمٌن، عِ شَ شَنُنتٍيَ بَرَ ﭑ نَسّيوَ كِ قَنيِ، عَ مَن بَرَ لِمَنِيَ قِ ﭑ مَ، بَرِ مَ سّنِيّنتْييٍ بْحّ قَن بَرَ سّيوَ عِ سَابُي رَ. 
نَ كُي، هَلِ ﭑ تٌ نْمَ عِ يَمَرِدٍ عَلَ شَ مِشِ سُفَندِشِ شِلِ رَ، عِ شَ قٍ رَبَ عِ لَنمَ عِ شَ نَشَن نَبَ، ﭑ مُ نَ رَبَمَ. 
ﭑ عِ مَيَندِ مَ وٌن مَ شَنُنتٍيَ نَن مَ قٍ رَ. ﭑ تَن ثْلُ نَن وْيّنقٍ عِ بّ يِ كِ، شّمْشِ نَشَن نَ فٍيلِ عَلَ شَ مِشِ سُفَندِشِ عِسَ شَ قٍ رَ. 
ﭑ عِ مَيَندِقٍ ﭑ مَ دِ عٌنٍسِمٌ نَن مَ قٍ رَ، ﭑ بَرَ قِندِ نَشَن بَبَ رَ ﭑ مَ فٍيلِمَنِيَ كُي. 
سِنفٍ، عَ تِدٍ يٌ مُ نُ نَ عِ بّ، كْنْ يَكْسِ، عَ تِدٍ بَرَ فبٌ عِ بّ كِ قَنيِ، عَلْ عَ فبٌشِ ﭑ قَن بّ كِ نَشّ. 
هَلِ عَ تٌ رَقَن ﭑ مَ عَلْ ﭑ يَ قِرِنيِ، ﭑ نَ عَ رَفبِلٍنقٍ عِ مَ. 
ﭑ بَرَ وَ عَ شْن عَ شَ لُ ﭑ يِ رَ، عَلَكٌ عَ شَ ﭑ مَلِ عِ تَن حْشْي رَ ﭑ مَ فٍيلِمَنِيَ كُي، ﭑ بَرَ نَشَن سْتْ عَلَ شَ شِبَارُ قَنيِ شَ قٍ رَ. 
كْنْ ﭑ مُ وَشِ قٍقٍ رَبَقٍ ﭑ مُ عِ مَشْرِن. نَ كُي، عِ شَ قٍ قَنيِ رَبَ كٍلِمَ نّ عِ حَنِفٍ نَن مَ، بٍينُن ﭑ تَن شَ عِ يَمَرِ. 
تّمُندٍ، عٌنٍسِمٌ بَرَ بَ عِ يِ رَ وَشَتِ ندٍ بُن مَ، عَلَكٌ عَ مَن شَ فبِلٍن عِ مَ عَبَدَن. 
عِ تَن بّ يَكْسِ، عَ تِدٍ بَرَ دَنفِ كٌنيِ رَ. عَ بَرَ قِندِ عِ نفَشَكٍرٍنيِ يّتّ يَتِ رَ. ﭑ تَن بَرَ عَ شَنُ كِ قَنيِ، كْنْ عَ لَن عِ تَن نَن شَ عَ شَنُ دَنفِ ﭑ نَ عَ شَ مِشِحَ نُن عَ شَ دَنشَنِيَ شَ قٍ رَ. 
نَ كُي، شَ عِ ﭑ كٌلٌنشِ عِ نفَشَكٍرٍنيِ رَ، عِ شَ عَ قَن نَسّنّ عَلْ ﭑ تَن يّتّ نَن قَشِ عِ مَ. 
شَ عَ قٍقٍ حَاشِ نِيَشِ عِ رَ، شَ عِ شَ دٌنِ يٌ عَ مَ، نَ كٌتٍ بِرِن شَ قِندِ ﭑ تَن فبٍ رَ. 
ﭑ تَن ثْلُ نَن يِ سّبّقٍ ﭑ يّتّ بّلّشّ رَ، عِ شَ عَ كٌلٌن ﭑ عَ بِرِن نَفبِلٍنمَ نّ عِ مَ. كْنْ هَلِ ﭑ مُ عِ رَتُ، عِ دَنشَنِيَشِ ﭑ تَن نَن سَابُي رَ. 
ﭑ نفَشَكٍرٍنيِ، عِ قَن شَ يِ قٍ رَبَ ﭑ بّ عَلَ شَ مِشِ سُفَندِشِ شَ قٍ رَ. عِ قَن شَ ﭑ بْحّ رَ سّيوَ، مَرِفِ شَ قٍ رَ. 
ﭑ تٌ يِ سّبّقٍ، ﭑ عَ كٌلٌن عِ مُ تٌندِ مَ ﭑ وَشْنقٍ رَبَدٍ، عِ حَن ندٍ سَمَ نّ عَ شُن. 
قٍ كٍرٍن لُشِ؛ عِ شَ نُ ﭑ يِفِيَدٍ يَءِلَن، بَرِ مَ ﭑ لَشِ عَ رَ، ﭑ قَمَ نّ فبِلٍندٍ وٌ يِرٍ وٌ شَ عَلَ مَشَندِ سَابُي رَ. 
عٍثَقِرَ سِ عِ شّيبُ، مُشُ نُن نَشَن بَرَ قِندِ فٍيلِمَنِ رَ عَلَ شَ مِشِ سُفَندِشِ شَ قٍ رَ. 
ﭑ وَلِبٌورٍيٍ مَرَكِ، عَرِ سِتَرَكِ، دٍ مَسِ، نُن لُكِ، عٍ قَن عِ شّيبُ. 
مَرِفِ عِسَ، عَلَ شَ مِشِ سُفَندِشِ، شَ هِننّ وٌ بِرِن نَ.
