﻿Zenɛze.
5.
Adama mavofodai ma zɛʋɛi ɠa. Siɛgi zu GALA ge nui ɓɛtɛni la, é kpɛtɛni ga GALA baaɠulabai. 
É zunui ɓɛtɛni ta anzanui, é tuya looni ti ʋɛ, é ti-laasei pɛɛ ga nuɓusɛi, ti ɓɛtɛ voloi nɔ. 
Adama ná-konagi ɠɛai ma ga ungila puusaʋagɔ (130), é doun zunu zɔlɔɔni, nii é ɠɛni ga baaɠulabai, ta maaniinigi, é daasei pɛɛni ga Sɛte. 
Sɛte zɔlɔɔga ʋoluma, Adama kona undɔsaʋa (800) ɠili kɛɛni. É doun zunui ta doun anzanui taɠiligaa zɔlɔɔni. 
Adama zii ma voloi kpein ge ɠɛni ga kona untaaʋuugɔ puusaʋagɔ (930), naa ʋolu é zaani. 
Sɛte ná-konagi ɠɛai ma ga ungila dɔɔlugɔ (105), é Enɔse zɔlɔɔni. 
Enɔse zɔlɔɔga ʋoluma, Sɛte kona undɔsaʋa kona dɔfela (807) ɠili kɛɛni. É doun zunui ta doun anzanui taɠiligaa zɔlɔɔni. 
Sɛte zii ma voloi kpein ge ɠɛni ga kona untaaʋuugɔ puugɔ maazu felegɔ (912), naa ʋolu é zaani. 
Enɔse ná-konagi ɠɛai ma ga puutaaʋuugɔ (90), é Keenan zɔlɔɔni. 
Keenan zɔlɔɔga ʋoluma, Enɔse kona undɔsaʋa puugɔ maazu lɔɔlugɔ (815) ɠili kɛɛni. É doun zunui ta doun anzanui taɠiligaa zɔlɔɔni. 
Enɔse zii ma voloi kpein ge ɠɛni ga kona untaaʋuugɔ kona dɔɔlugɔ (905), naa ʋolu é zaani. 
Keenan ná-konagi ɠɛai ma ga puulɔfela (70), é Maɠalaleyɛle zɔlɔɔni. 
Maɠalaleyɛle zɔlɔɔga ʋoluma, Keenan kona undɔsaʋa puunaanigɔ (840) ɠili kɛɛni. É doun zunui ta doun anzanui taɠiligaa zɔlɔɔni. 
Keenan zii ma voloi kpein ge ɠɛni ga kona untaaʋuugɔ kona puugɔ (910), naa ʋolu é zaani. 
Maɠalaleyɛle ná-konagi ɠɛai ma ga puulɔzita maazu lɔɔlugɔ (65), é Yeelɛde zɔlɔɔni. 
Yeelɛde zɔlɔɔga ʋoluma, Maɠalaleyɛle kona undɔsaʋa puusaʋagɔ (830) ɠili kɛɛni. É doun zunui ta doun anzanui taɠiligaa zɔlɔɔni. 
Maɠalaleyɛle zii ma voloi kpein ge ɠɛni ga kona undɔsaʋa untaaʋuu maazu lɔɔlugɔ (895), naa ʋolu é zaani. 
Yeelɛde ná-konagi ɠɛai ma ga ungila puulɔzita maazu felegɔ (162), é Ɠeenɔke zɔlɔɔni. 
Ɠeenɔke zɔlɔɔga ʋoluma, Yeelɛde kona undɔsaʋa (800) ɠili kɛɛni. É doun zunui ta doun anzanui taɠiligaa zɔlɔɔni. 
Yeelɛde zii ma voloi kpein ge ɠɛni ga kona untaaʋuugɔ puulɔzita maazu felegɔ (962), naa ʋolu é zaani. 
Ɠeenɔke ná-konagi ɠɛai ma ga puulɔzita maazu felegɔ (62), é Matuzalɛme zɔlɔɔni. 
Matuzalɛme zɔlɔɔga ʋoluma, Ɠeenɔke kona unsaʋagɔ (300) ɠili kɛɛni. É doun zunui ta doun anzanui taɠiligaa zɔlɔɔni. 
Ɠeenɔke zii ma voloi kpein ge ɠɛni ga kona unsaʋagɔ puulɔzita maazu lɔɔlugɔ (365). 
Ɠeenɔke ziɛni ga GALA ziimai, é la ɠɛni yɛni ná, tɔɔzei GALA ge seɠeni. 
Matuzalɛme ná-konagi ɠɛai ma ga ungila puulɔsaʋa maazu lɔfela (187), é Leemɛke zɔlɔɔni. 
Leemɛke zɔlɔɔga ʋoluma, Matuzalɛme kona undɔfela puulɔsaʋa maazu felegɔ (782) ɠili kɛɛni. É doun zunui ta doun anzanui taɠiligaa zɔlɔɔni. 
Matuzalɛme zii ma voloi kpein ge ɠɛni ga untaaʋuugɔ puulɔzita maazu taaʋuugɔ (969), naa ʋolu é zaani. 
Leemɛke ná-konagi ɠɛai ma ga ungila puulɔsaʋa maazu felegɔ (182), é doun zunu ɠila sɔlɔɔni. 
É daasei pɛɛni ga Nowe. É ɠɛni ma: «Nii ɠa ade ɠaanɛɛnɛ ada-wotiiti ta ada-ɓɔlɔiti kpein faa zu, é zɔlɔɔsu zooi ʋa, nii Ɠɔoɠɔ GALAGI foovoai.» 
Nowe zɔlɔɔga ʋoluma, Leemɛke kona undɔɔlugɔ puutaaʋuu maazu lɔɔlugɔ (595) ɠili kɛɛni. É doun zunui ta doun anzanui taɠiligaa zɔlɔɔni. 
Leemɛke zii ma voloi kpein ge ɠɛni ga kona undɔfela puulɔfela maazu lɔfela (777), naa ʋolu é zaani. 
Nowe ná-konagi ɠɛai ma ga undɔɔlugɔ (500), é Sɛme ta Same ta Zafɛteni sɔlɔɔni. 
