﻿Zenɛze.
36.
Ezawu nii é ga Edɔme mavofodai ɠa. 
Ezawu anzanu saʋagɔ zeɠeni, é sei, Kanaan anzanu lointi saama: Ada, Elon Ɠɛte nui ná-doun anzanui, Wɔɠɔliɓama, Ana ná-doun anzanui, Siɓeyon Ɠeeve nui ná-dounloin, 
Ɓasemate, Isemayɛle ná-doun anzanui, Neɓayɔte baazeelai. 
Ada Elifaze zɔlɔɔni Ezawu ʋɛ, Ɓasemate Leyuwɛle zɔlɔɔ bɛ. 
Wɔɠɔliɓama Yeyuse zɔlɔɔ, ta Yalame, ta Kɔla. Ezawu ná-doun zunuiti kana, é ti zɔlɔɔni Kanaan yooi zu. 
Ezawu anzaiti seɠeni, ta ná-doun zunuiti, ta ná-doun anzanuiti, ta ná-pɛlɛ wu nuiti kpein, ta ná-togani ɓulugiti, ta ná-toganii kpein, naavoloi kpein é sɔlɔɔni Kanaan yooi zu, é li, é zei zou ɠili su, é maaɠooza deɠei Zakɔɓe ʋa. 
Tɔɔzei naavoloi wola ɠaawɔɔlɔni, ti la ɓena zoo zeizu ʋɔɔma ada ɠila, ta zooi zu, ʋɛ ti seikɔɠɔmai ɠɛni ná, naa la mɔ ɓena kula ɠɛ ti ʋa, tɔɔzei ta-logani ɓulugiti faa ʋa. 
Zekana Ezawu zeini la Seyiil ɠize yooi zu. Ezawu ɠa é ga Edɔme. 
Ezawu mavofodai ná-fai ɠaa: Edɔme nuiti ti-mɛmɛwolai, é ɠɛni Seyiil ɠize yooi zu. 
Ezawu ná-doun zunuiti ti ɠɛni ga: Elifaze, Ezawu anzai Ada ná-doun zunui, Leyuwɛle, Ezawu anzai Ɓasemate ná-doun zunui. 
Elifaze ná-doun zunuiti ti ɠɛni ga: Teeman, Wɔmaal, Sefo, Gayetame, ta Kenaze. 
Ezawu ná-doun zunui Elifaze anza ɠiligi ɠɛni ga Timena, nii é la ɠɛni vuluni ga zɔi ɠɛʋele, naa doun zunui zɔlɔɔni bɛ ga Amalɛke. Ezawu anzai Ada ná-dounlointi kana. 
Leyuwɛle ná-doun zunuiti ti ɠɛni ga: Naɠate, Zeela, Sama, ta Miza. Ezawu anzai Ɓasemate ná-dounlointi kana. 
Ezawu anzai Wɔɠɔliɓama, é ga Ana ná-doun anzanui, Siɓeyon ná-dounloin, naa ɠa é Yeyuse zɔlɔɔni bɛ, ta Yalame, ta Kɔla. 
Bolodama ɠundiɠiiti kaa, ti ɠulani Ezawu ná-doun zunuiti saama. Ezawu ná-doun mɔungi Elifaze, ná-doun zunuiti ti ɠɛni ga: kundiɠii Teeman, kundiɠii Wɔmaal, kundiɠii Sefo, kundiɠii Kenaze, 
kundiɠii Kɔla, kundiɠii Gayetame, ta kundiɠii Amalɛke. Elifaze nɔnɔ ma wolodama ɠundiɠiiti kana Edɔme yooi zu. Ada ná-dounlointi kana. 
Ezawu ná-doun zunui Leyuwɛle ná-doun zunuiti ti ɠɛni ga: kundiɠii Naɠate, kundiɠii Zeela, kundiɠii Sama ta kundiɠii Miza. Leyuwɛle nɔnɔ ma wolodama ɠundiɠiiti kana Edɔme yooi zu. Ezawu anzai Ɓasemate ná-dounlointi kana. 
Ezawu anzai Wɔɠɔliɓama ná-doun zunuiti ti ɠɛni ga: kundiɠii Yeyuse, kundiɠii Yalame, ta kundiɠii Kɔla. Ana ná-doun anzanui Wɔɠɔliɓama, Ezawu anzai nɔnɔ ma wolodama ɠundiɠiiti kana. 
Ezawu nii é ga Edɔme ná-doun zunuiti kana, ta ma wolodama ɠundiɠiiti. 
Ɠɔɔl nui Seyiil mavofodaiti kaa, ti ɠɛni ga sei nu mɔungiti zooi zu: Lɔtan, Sɔɓale, Siɓeyon, Ana, 
Dison, Eseel, ta Disan. Naati ka ti ga Ɠɔɔl nuiti ta-wolodama ɠundiɠiiti, Seyiil ná-doun zunuiti, Edɔme yooi zu. 
Lɔtan mavofodaiti ti ɠɛni ga: Ɠɔli ta Ɠeemame. Lɔtan baazeelai laaseigi ɠɛni ga: Timena. 
Sɔɓale mavofodaiti ti ɠɛni ga: Alevan, Manaɠate, Eɓale, Sefo ta Wɔname. 
Siɓeyon ná-doun zunuiti ti ɠɛni ga: Aya ta Ana. Ana tɛi ka é ziɛungi ɠaani teʋebai zu, nii kpadiai, siɛgi zu é ɠɛni daamianigi veezu la kɛɛɠɛ ná-soovalegiti zea, é ɗa ti makɛ. 
Ana ná-dointi ti ɠɛni ga: ná-doun zunui Dison ta ná-doun anzanui Wɔɠɔliɓama. 
Dison ná-doun zunuiti ti ɠɛni ga: Ɠɛmedan, Eseɓan, Yitelan ta Kelan. 
Eseel ná-doun zunuiti ti ɠɛni ga: Ɓileɠan, Zaavan ta Akan. 
Disan ná-doun zunuiti ti ɠɛni ga: Use ta Alan. 
Ɠɔɔl nuiti ta-wolodama ɠundiɠiiti ti ɠɛni ga: kundiɠii Lɔtan, kundiɠii Sɔɓale, kundiɠii Siɓeyon, kundiɠii Ana, 
kundiɠii Dison, kundiɠii Eseel ta kundiɠii Disan. Tiya ɠa ti ɠɛni ga Ɠɔɔl nuiti ta-wolodama ɠundiɠiiti Seyiil yooi zu. 
Masagiti daaseigiti kaa, niiti ti masadai ɠɛɛni Edɔme yooi unda, aisa masa ge ʋa zei Izelayɛle unda. 
Ɓeyɔɔl ná-doun zunui Ɓeela masadai ɠɛɛni Edɔme unda, ná-taai laaseigi ɠɛni ga Dinaɓa. 
Ɓeela zaai ma, Ɓɔsela nui Zeela ná-doun zunui Yɔɓaɓe masadai ɠɛɛni potogi zu. 
Yɔɓaɓe zaai ma, Teeman nuiti ta-you zu nui Ɠusame masadai ɠɛɛni potogi zu. 
Ɠusame zaai ma, Ɓedade ná-doun zunui Ɠadade masadai ɠɛɛni potogi zu. Tɔun ka é vɔnini Madiyan nuiti ma Moaɓe yooi zu. Ná-taai laaseigi ɠɛni ga Avite. 
Ɠadade zaai ma, Maseleeka nui Samela masadai ɠɛɛni potogi zu. 
Samela zaai ma, Sayile masadai ɠɛɛni potogi zu. É ɠɛni ga Leɠɔɓɔte taa wolai zunu, ziɛ wolai laaʋɛ. 
Sayile zaai ma, Akeɓɔɔl ná-doun zunui Ɓaale-Ɠanan masadai ɠɛɛni potogi zu. 
Akeɓɔɔl ná-doun zunui Ɓaale-Ɠanan zaai ma, Ɠadaal masadai ɠɛɛni potogi zu. Ná-taai laaseigi ɠɛni ga Pau. Anzai laaseigi ɠɛni ga Meɠetaɓeyɛle, Mateleede ná-doun anzanui, é ga Meezaɠaɓe ná-dounloin. 
Ezawu ná-bolodama ɠundiɠiiti daaseigiti kaa, eɠɛʋelei ti-zeizuʋɛti ti la, ta eɠɛʋelei ti-laaseigiti ti la: Timena, Aleva, Yeteete, 
Wɔɠɔliɓama, Ela, Pinon, 
Kenaze, Teeman, Miɓesaal, 
Magediyɛle, ta Iilame. Edɔme ɠundiɠiiti kana, eɠɛʋelei ti-zeizuʋɛti ti la, zooi zu nii ti sɔlɔɔni. Ezawu ɠa é ga Edɔme mɛmɛwolai. 
