﻿Gaalu Sɛʋɛi.
7.
Yeei Moize ɓeni da ga seɠe ʋɛlɛ ɲadegai lo, é gulɔ ɲadegai ziɛni ma, é fe GALA bɛ. É kɛɛni ɠana nɔ ga ma zɔɔlaiti, naa ʋɛɛ zalaɠa ɠulazuʋɛ ʋa, ta ma zɔɔlaiti. 
Pɛlɛyeɠe ɠundiɠiiti, ti ga bolodaiti ta-ɠundiɠiiti ti maaɓuɠani. Tɛiti ti loni gaalugi untuɠɔ. 
Ti ʋaani ga vebɛaniiti Ɠɔoɠɔ GALAGI ʋɛ: wotolo lɔzita ti maazuʋɛai, ta nikɛ puugɔ maazu felegɔ (12), kundiɠi felegɔ wotolo ɠila, nikɛ ɠilagila. Ti ʋaani ga tiye seɠe ʋɛlɛ ɲadegai laaʋɛ. 
Ɠɔoɠɔ GALAGI ɓɔɛni Moize ʋɔ, é ɠɛ ma: 
«Ta-vebɛaniiti so. Wotoloi niiti, ta nikɛi niiti, ta lɔ GALA daaɠomi seɠe ʋɛlɛi ma wotii zu. Ɗa kaliva Leevi nuiti ma, eɠɛʋelei ti ɠilagilagi ta-wotii ɓɛdɛma vai la.» 
Moize yeezeini wotoloiti bu, ta nikɛiti, é ti ɠaaɠwɛ Leevi nuiti ba. 
É wotolo felegɔ zeɠeni, ta nikɛ naanigɔ, é fe Gɛɛleson ná-nuiti zea, eɠɛʋelei ta-wotii ɓɛdɛma vai ɠɛni la. 
É wotolo naanigɔ ta nikɛ lɔsaʋa ve Melali ná-nuiti zea, tɔɔzei botii liegɔi ʋa, ti ɠɛni kɛɛzu Itamaal yeezu, zalaɠa ɠula nui Aalɔn ná-doun zunui. 
É la ɠɛni ta veeni Keɠate ná-nuiti zea, mazɔlɔɔ naati ka ani ɲadegaiti ma ɠasɔi ɠɛni ti unma, kɛni ti ɓena ti zeɠe ɠɔma. 
Kundiɠiiti ti ʋaani ga ta-vebɛaniiti, voloi ti zalaɠa ɠulazuʋɛ veeni la GALA bɛ, ti daalao, ti gulɔ ɲadegai ziɛ ma. Kundiɠiiti ti ʋaani ga ta-vebɛaniiti zalaɠa ɠulazuʋɛ ɠakalaʋɛ. 
Názu ɠa Ɠɔoɠɔ GALAGI ɠɛni la Moize ma: «Kundiɠiiti ti ʋa ga ta-vebɛaniiti, ti ɠilagilagi pɛ, nu ɠila, folo ɠila, zalaɠa ɠulazuʋɛ laalao fai zu.» 
Folo mɔungi, Naason, Aminadaɓe ná-doun zunui ʋaani, é ná-vebɛanii lɛ. Naa ɠa é ɠɛni ga Zuda mavofodai nɔnɔi. 
É ʋaani ga tazai, é ga walii, buɲɛgi ga kilo ɠila ta tukpɛ (1,5), ta koko ɠila, é ga walii, buɲɛgi ga galamu undɔsaʋa (800), eɠɛʋelei seizu ɲadegai ma ɠɔɠɔgi ɠɛni ɠɛɛzu la, ti felegɔ pɛ daavega ɠɛni de ga ɓulu vukɔ ʋagɔi, gaayɔgai ga gulɔi, é ʋa ɠɛ ga vebɛanii, 
ta zanu aniɲaka ɠila, buɲɛgi ga galamu ungila puugɔ (110), daavegai ga ani maku nɛɛnɛgi. 
É ʋaani ɓalaa ga nikɛ zinɛ ɓokpa gila, ta baala sinɛ wola ɠila, ta kona gila baala sinɛ ɠila, gala zalaɠai vai zu, 
ta boli zinɛ ɠila, koto gba zalaɠai vai zu, 
ta nikɛ felegɔ, ta baala sinɛ wola lɔɔlugɔ, ta boli zinɛ lɔɔlugɔ, ta kona gila baala sinɛ lɔɔlugɔ, ti ɠɛ ga ziilɛi zalaɠai. Aminadaɓe ná-doun zunui Naason ná-vebɛanii ɠɛni ga naa. 
Foloi velesiɛi, Netaneyɛle, Suaal ná-doun zunui, Isakaal mavofodaiti ta-ɠundiɠii ʋaani, é ná-vebɛanii lɛ. 
É ɠɛni ga tazai, é ga walii, buɲɛgi ga kilo ɠila ta tukpɛ (1,5), ta koko ɠila, é ga walii, buɲɛgi ga galamu undɔsaʋa (800), eɠɛʋelei seizu ɲadegai ma ɠɔɠɔgi ɠɛni ɠɛɛzu la, ti felegɔ pɛ daavega ɠɛni de ga ɓulu vukɔ ʋagɔi, gaayɔgai ga gulɔi, é ʋa ɠɛ ga vebɛanii, 
ta zanu aniɲaka ɠila, buɲɛgi ga galamu ungila puugɔ (110), daavegai ga ani maku nɛɛnɛgi. 
É ʋaani ɓalaa ga nikɛ zinɛ ɓokpa gila, ta baala sinɛ wola ɠila, ta kona gila baala sinɛ ɠila, gala zalaɠai vai zu, 
ta boli zinɛ ɠila, koto gba zalaɠai vai zu, 
ta nikɛ felegɔ, ta baala sinɛ wola lɔɔlugɔ, ta boli zinɛ lɔɔlugɔ, ta kona gila baala sinɛ lɔɔlugɔ, ti ɠɛ ga ziilɛi zalaɠai. Suaal ná-doun zunui Netaneyɛle ná-vebɛanii ɠɛni ga naa. 
Foloi zaʋasiɛi, Eliaɓe, Ɠeelon ná-doun zunui, Zaɓulɔn mavofodaiti ta-ɠundiɠii ʋaani, é ná-vebɛanii lɛ. 
É ɠɛni ga tazai, é ga walii, buɲɛgi ga kilo ɠila ta tukpɛ (1,5), ta koko ɠila, é ga walii, buɲɛgi ga galamu undɔsaʋa (800), eɠɛʋelei seizu ɲadegai ma ɠɔɠɔgi ɠɛni ɠɛɛzu la, ti felegɔ pɛ daavega ɠɛni de ga ɓulu vukɔ ʋagɔi, gaayɔgai ga gulɔi, é ʋa ɠɛ ga vebɛanii, 
ta zanu aniɲaka ɠila, buɲɛgi ga galamu ungila puugɔ (110), daavegai ga ani maku nɛɛnɛgi. 
É ʋaani ɓalaa ga nikɛ zinɛ ɓokpa gila, ta baala sinɛ wola ɠila, ta kona gila baala sinɛ ɠila, gala zalaɠai vai zu, 
ta boli zinɛ ɠila, koto gba zalaɠai vai zu, 
ta nikɛ felegɔ, ta baala sinɛ wola lɔɔlugɔ, ta boli zinɛ lɔɔlugɔ, ta kona gila baala sinɛ lɔɔlugɔ, ti ɠɛ ga ziilɛi zalaɠai. Ɠeelon ná-doun zunui Eliaɓe ná-vebɛanii ɠɛni ga naa. 
Foloi naanisiɛi, Elisuul, Sedeyuul ná-doun zunui, Luɓɛn mavofodaiti ta-ɠundiɠi ʋaani, é ná-vebɛanii lɛ. 
É ɠɛni ga tazai, é ga walii, buɲɛgi ga kilo ɠila ta tukpɛ (1,5), ta koko ɠila, é ga walii, buɲɛgi ga galamu undɔsaʋa (800), eɠɛʋelei seizu ɲadegai ma ɠɔɠɔgi ɠɛni ɠɛɛzu la, ti felegɔ pɛ daavega ɠɛni de ga ɓulu vukɔ ʋagɔi, gaayɔgai ga gulɔi, é ʋa ɠɛ ga vebɛanii, 
ta zanu aniɲaka ɠila, buɲɛgi ga galamu ungila puugɔ (110), daavegai ga ani maku nɛɛnɛgi. 
É ʋaani ɓalaa ga nikɛ zinɛ ɓokpa gila, ta baala sinɛ wola ɠila, ta kona gila baala sinɛ ɠila, gala zalaɠai vai zu, 
ta boli zinɛ ɠila, koto gba zalaɠai vai zu, 
ta nikɛ felegɔ, ta baala sinɛ wola lɔɔlugɔ, ta boli zinɛ lɔɔlugɔ, ta kona gila baala sinɛ lɔɔlugɔ, ti ɠɛ ga ziilɛi zalaɠai. Sedeyuul ná-doun zunui Elisuul ná-vebɛanii ɠɛni ga naa. 
Folo lɔɔlusiɛi, Selumiyɛle, Sulisadayi ná-doun zunui, Simiyɔn mavofodaiti ta-ɠundiɠii ʋaani, é ná-vebɛanii lɛ. 
É ɠɛni ga tazai, é ga walii, buɲɛgi ga kilo ɠila ta tukpɛ (1,5), ta koko ɠila, é ga walii, buɲɛgi ga galamu undɔsaʋa (800), eɠɛʋelei seizu ɲadegai ma ɠɔɠɔgi ɠɛni ɠɛɛzu la, ti felegɔ pɛ daavega ɠɛni de ga ɓulu vukɔ ʋagɔi, gaayɔgai ga gulɔi, é ʋa ɠɛ ga vebɛanii, 
ta zanu aniɲaka ɠila, buɲɛgi ga galamu ungila puugɔ (110), daavegai ga ani maku nɛɛnɛgi. 
É ʋaani ɓalaa ga nikɛ zinɛ ɓokpa gila, ta baala sinɛ wola ɠila, ta kona gila baala sinɛ ɠila, gala zalaɠai vai zu, 
ta boli zinɛ ɠila, koto gba zalaɠai vai zu, 
ta nikɛ felegɔ, ta baala sinɛ wola lɔɔlugɔ, ta boli zinɛ lɔɔlugɔ, ta kona gila baala sinɛ lɔɔlugɔ, ti ɠɛ ga ziilɛi zalaɠai. Sulisadayi ná-doun zunui Selumiyɛle ná-vebɛanii ɠɛni ga naa. 
Foloi lɔzitasiɛi, Eliazafe, Deyuwɛle ná-doun zunui, Gade mavofodaiti ta-ɠundiɠii ʋaani, é ná-vebɛanii lɛ. 
É ɠɛni ga tazai, é ga walii, buɲɛgi ga kilo ɠila ta tukpɛ (1,5), ta koko ɠila, é ga walii, buɲɛgi ga galamu undɔsaʋa (800), eɠɛʋelei seizu ɲadegai ma ɠɔɠɔgi ɠɛni ɠɛɛzu la, ti felegɔ pɛ daavega ɠɛni de ga ɓulu vukɔ ʋagɔi, gaayɔgai ga gulɔi, é ʋa ɠɛ ga vebɛanii, 
ta zanu aniɲaka ɠila, buɲɛgi ga galamu ungila puugɔ (110), daavegai ga ani maku nɛɛnɛgi. 
É ʋaani ɓalaa ga nikɛ zinɛ ɓokpa gila, ta baala sinɛ wola ɠila, ta kona gila baala sinɛ ɠila, gala zalaɠai vai zu, 
ta boli zinɛ ɠila, koto gba zalaɠai vai zu, 
ta nikɛ felegɔ, ta baala sinɛ wola lɔɔlugɔ, ta boli zinɛ lɔɔlugɔ, ta kona gila baala sinɛ lɔɔlugɔ, ti ɠɛ ga ziilɛi zalaɠai. Deyuwɛle ná-doun zunui Eliazafe ná-vebɛanii ɠɛni ga naa. 
Foloi lɔfelasiɛi, Elisama, Amiyude ná-doun zunui, Efelayime mavofodaiti ta-ɠundiɠii ʋaani, é ná-vebɛanii lɛ. 
É ɠɛni ga tazai, é ga walii, buɲɛgi ga kilo ɠila ta tukpɛ (1,5), ta koko ɠila, é ga walii, buɲɛgi ga galamu undɔsaʋa (800), eɠɛʋelei seizu ɲadegai ma ɠɔɠɔgi ɠɛni ɠɛɛzu la, ti felegɔ pɛ daavega ɠɛni de ga ɓulu vukɔ ʋagɔi, gaayɔgai ga gulɔi, é ʋa ɠɛ ga vebɛanii, 
ta zanu aniɲaka ɠila, buɲɛgi ga galamu ungila puugɔ (110), daavegai ga ani maku nɛɛnɛgi. 
É ʋaani ɓalaa ga nikɛ zinɛ ɓokpa gila, ta baala sinɛ wola ɠila, ta kona gila baala sinɛ ɠila, gala zalaɠai vai zu, 
ta boli zinɛ ɠila, koto gba zalaɠai vai zu, 
ta nikɛ felegɔ, ta baala sinɛ wola lɔɔlugɔ, ta boli zinɛ lɔɔlugɔ, ta kona gila baala sinɛ lɔɔlugɔ, ti ɠɛ ga ziilɛi zalaɠai. Amiyude ná-doun zunui Elisama ná-vebɛanii ɠɛni ga naa. 
Foloi lɔsaʋasiɛi, Gameliyɛle, Peedaasuul ná-doun zunui, Manasee mavofodaiti ta-ɠundiɠii ʋaani, é ná-vebɛanii lɛ. 
É ɠɛni ga tazai, é ga walii, buɲɛgi ga kilo ɠila ta tukpɛ (1,5), ta koko ɠila, é ga walii, buɲɛgi ga galamu undɔsaʋa (800), eɠɛʋelei seizu ɲadegai ma ɠɔɠɔgi ɠɛni ɠɛɛzu la, ti felegɔ pɛ daavega ɠɛni de ga ɓulu vukɔ ʋagɔi, gaayɔgai ga gulɔi, é ʋa ɠɛ ga vebɛanii, 
ta zanu aniɲaka ɠila, buɲɛgi ga galamu ungila puugɔ (110), daavegai ga ani maku nɛɛnɛgi. 
É ʋaani ɓalaa ga nikɛ zinɛ ɓokpa gila, ta baala sinɛ wola ɠila, ta kona gila baala sinɛ ɠila, gala zalaɠai vai zu, 
ta boli zinɛ ɠila, koto gba zalaɠai vai zu, 
ta nikɛ felegɔ, ta baala sinɛ wola lɔɔlugɔ, ta boli zinɛ lɔɔlugɔ, ta kona gila baala sinɛ lɔɔlugɔ, ti ɠɛ ga ziilɛi zalaɠai. Peedaasuul ná-doun zunui Gameliyɛle ná-vebɛanii ɠɛni ga naa. 
Foloi laaʋuusiɛi, Aɓidan, Gideyɔni ná-doun zunui, Ɓɛnzamɛn mavofodaiti ta-ɠundiɠii ʋaani, é ná-vebɛanii lɛ. 
É ɠɛni ga tazai, é ga walii, buɲɛgi ga kilo ɠila ta tukpɛ (1,5), ta koko ɠila, é ga walii, buɲɛgi ga galamu undɔsaʋa (800), eɠɛʋelei seizu ɲadegai ma ɠɔɠɔgi ɠɛni ɠɛɛzu la, ti felegɔ pɛ daavega ɠɛni de ga ɓulu vukɔ ʋagɔi, gaayɔgai ga gulɔi, é ʋa ɠɛ ga vebɛanii, 
ta zanu aniɲaka ɠila, buɲɛgi ga galamu ungila puugɔ (110), daavegai ga ani maku nɛɛnɛgi. 
É ʋaani ɓalaa ga nikɛ zinɛ ɓokpa gila, ta baala sinɛ wola ɠila, ta kona gila baala sinɛ ɠila, gala zalaɠai vai zu, 
ta boli zinɛ ɠila, koto gba zalaɠai vai zu, 
ta nikɛ felegɔ, ta baala sinɛ wola lɔɔlugɔ, ta boli zinɛ lɔɔlugɔ, ta kona gila baala sinɛ lɔɔlugɔ, ti ɠɛ ga ziilɛi zalaɠai. Gideyɔni ná-doun zunui Aɓidan ná-vebɛanii ɠɛni ga naa. 
Foloi ʋuusiɛi, Ayiyezɛɛl, Amisadayi ná-doun zunui, Dan mavofodaiti ta-ɠundiɠii ʋaani, é ná-vebɛanii lɛ. 
É ɠɛni ga tazai, é ga walii, buɲɛgi ga kilo ɠila ta tukpɛ (1,5), ta koko ɠila, é ga walii, buɲɛgi ga galamu undɔsaʋa (800), eɠɛʋelei seizu ɲadegai ma ɠɔɠɔgi ɠɛni ɠɛɛzu la, ti felegɔ pɛ daavega ɠɛni de ga ɓulu vukɔ ʋagɔi, gaayɔgai ga gulɔi, é ʋa ɠɛ ga vebɛanii, 
ta zanu aniɲaka ɠila, buɲɛgi ga galamu ungila puugɔ (110), daavegai ga ani maku nɛɛnɛgi. 
É ʋaani ɓalaa ga nikɛ zinɛ ɓokpa gila, ta baala sinɛ wola ɠila, ta kona gila baala sinɛ ɠila, gala zalaɠai vai zu, 
ta boli zinɛ ɠila, koto gba zalaɠai vai zu, 
ta nikɛ felegɔ, ta baala sinɛ wola lɔɔlugɔ, ta boli zinɛ lɔɔlugɔ, ta kona gila baala sinɛ lɔɔlugɔ, ti ɠɛ ga ziilɛi zalaɠai. Amisadayi ná-doun zunui Ayiyezɛɛl ná-vebɛanii ɠɛni ga naa. 
Folo puugɔ maazu ɠilasiɛi (11), Pagiyɛle, Wɔkelan ná-doun zunui Asɛɛl mavofodaiti ta-ɠundiɠii ʋaani, é ná-vebɛanii lɛ. 
É ɠɛni ga tazai, é ga walii, buɲɛgi ga kilo ɠila ta tukpɛ (1,5), ta koko ɠila, é ga walii, buɲɛgi ga galamu undɔsaʋa (800), eɠɛʋelei seizu ɲadegai ma ɠɔɠɔgi ɠɛni ɠɛɛzu la, ti felegɔ pɛ daavega ɠɛni de ga ɓulu vukɔ ʋagɔi, gaayɔgai ga gulɔi, é ʋa ɠɛ ga vebɛanii, 
ta zanu aniɲaka ɠila, buɲɛgi ga galamu ungila puugɔ (110), daavegai ga ani maku nɛɛnɛgi. 
É ʋaani ɓalaa ga nikɛ zinɛ ɓokpa gila, ta baala sinɛ wola ɠila, ta kona gila baala sinɛ ɠila, gala zalaɠai vai zu, 
ta boli zinɛ ɠila, koto gba zalaɠai vai zu, 
ta nikɛ felegɔ, ta baala sinɛ wola lɔɔlugɔ, ta boli zinɛ lɔɔlugɔ, ta kona gila baala sinɛ lɔɔlugɔ, ti ɠɛ ga ziilɛi zalaɠai. Wɔkelan ná-doun zunui Pagiyɛle ná-vebɛanii ɠɛni ga naa. 
Folo puugɔ maazu velesiɛi (12), Ayila, Enan ná-doun zunui, Nɛfetali mavofodaiti ta-ɠundiɠii ʋaani, é ná-vebɛanii lɛ. 
É ɠɛni ga tazai, é ga walii, buɲɛgi ga kilo ɠila ta tukpɛ (1,5), ta koko ɠila, é ga walii, buɲɛgi ga galamu undɔsaʋa (800), eɠɛʋelei seizu ɲadegai ma ɠɔɠɔgi ɠɛni ɠɛɛzu la, ti felegɔ pɛ daavega ɠɛni de ga ɓulu vukɔ ʋagɔi, gaayɔgai ga gulɔi, é ʋa ɠɛ ga vebɛanii, 
ta zanu aniɲaka ɠila, buɲɛgi ga galamu ungila puugɔ (110), daavegai ga ani maku nɛɛnɛgi. 
É ʋaani ɓalaa ga nikɛ zinɛ ɓokpa gila, ta baala sinɛ wola ɠila, ta kona gila baala sinɛ ɠila, gala zalaɠai vai zu, 
ta boli zinɛ ɠila, koto gba zalaɠai vai zu, 
ta nikɛ felegɔ, ta baala sinɛ wola lɔɔlugɔ, ta boli zinɛ lɔɔlugɔ, ta kona gila baala sinɛ lɔɔlugɔ, ti ɠɛ ga ziilɛi zalaɠai. Enan ná-doun zunui Ayila ná-vebɛanii ɠɛni ga naa. 
Voloi ti zalaɠa ɠulazuʋɛ latɛɠɛni la Ɠɔoɠɔ GALAGI ma, ti gulɔ ɲadegai ziɛ ma, kundiɠiiti ta-vebɛaniiti ti ɠɛni ga: wali laza puugɔ maazu fele (12), wali ɠoko puugɔ maazu fele (12), zanu aniɲaka puugɔ maazu fele (12). 
Wali lazai ɠilagilagi wuɲɛgi ɠɛni ga kilo ɠila ta tukpɛ (1,5), wali ɠoko ɠilagilagi ɠɛni ga galamu undɔsaʋa (800), nii ti kulani, ti pɛ ge ɠɛni ga kilo ʋuufele maazu lɔfela ta tukpɛ (27,5) walii zu, eɠɛʋelei seizu ɲadegai ma ɠɔɠɔgi la. 
Zanu aniɲakai ɠilagilagi wuɲɛgi ɠɛni ga galamu ungila puugɔ (110), daavegai ga ani maku nɛɛnɛgi, nii ti kulani, naa kpein ge ɠɛni ga galamu waagila unsaʋagɔ (1 300) zanugi zu, eɠɛʋelei seizu ɲadegai ma ɠɔɠɔgi la. 
Nii ti ʋaani la ga gala zalaɠai, naa ɠɛni ga: nikɛ zinɛ puugɔ maazu fele (12), baala sinɛ wola puugɔ maazu fele (12), kona gila baala sinɛ puugɔ maazu fele (12), é ʋɛɛ vebɛaniiti ba, ti ɠɛni pɛɛzu ti ʋa. Ti ʋaani ɓalaa ga boli zinɛ puugɔ maazu fele (12), koto gba zalaɠai vai zu. 
Ziilɛi zalaɠai ma vai zu, nii ti kulani, naa ɠɛni ga: nikɛ zinɛ ʋuufele maazu naanigɔ (24), baala sinɛ wola ʋuulɔzita (60), boli zinɛ ʋuulɔzita (60), ta kona gila baala sinɛ ʋuulɔzita (60). Vebɛaniiti kɛni ga naati, ti ɠulani zalaɠa ɠulazuʋɛ laalaosuʋɛ, ti ɓegai ma ga fe GALA bɛ, ti gulɔ ɲadegai ziɛ ma. 
Siɛgi zu Moize ɠɛni lɛɛzu la GALA daaɠomi seɠe ʋɛlɛi wu, ga é ʋa ɓɔɛ Ɠɔoɠɔ GALAGI ʋɔ, é ɠɛni wooi mɛnisu, é ɗa ɓɔɛ pɔ, é zeɠe kesui lakulugi maazuʋɛ seeluɓɛin felegɔiti zɔɠɔzuʋɛ, ti zeiɗai zeele woo ɠesui maazu. É ɠɛni ɓɔɛzu pɔ. 
