﻿Yaburina.
128.
Ala Batu Banxi yisiga bɛtina. Sɛwan na kanne xa naxanye gaxuma Alatala yɛɛ ra, naxanye birama a kiraan fɔxɔ ra. 
I wali xɔnna i makone fanma nɛn. I sɛwama nɛn i mɔn yi sabati. 
I ya ɲaxanla diine barima nɛn alo wudi bili bogilana. I ya dii xɛmɛne i ya tabanla rabilinma nɛn alo oliwi wudi binle. 
Muxun naxan gaxuma Alatala yɛɛ ra, na kanna dubani itoe nan sɔtɔma. 
Alatala xa barakan sa i ya fe yi keli Siyon yi! Ala xa i Yerusalɛn sabatixin to i siin birin yi! 
Ala xa i i mamandenne to! Ala xa bɔɲɛ xunbenla fi Isirayila ma. 
