﻿SALMOS.
8.
X̱anto' Dios, ẕente nak La la'y chio' Le' do ẕente yežlyó. Nakže ẕen yeḻa' ẕen chio' ka ya'abá. 
Žoḻgak x̱kwide' ka', na' bi'do' že'n ka', ka naken. Yo'o chawo'o gan bi gak ḻa'gak benne' ka' bi ẕḻé'egekle' Le' chawe'. Ẕzoa žio' benne' ka' bi ẕḻé'egekle' Le' chawe', na' benne' ka' ẕzóagake' Le' cheḻa'ale. 
Kate' ẕwia' ya'abá dan' beno' Le', na' byo', na' belj ka', da' ka' bzo' to ton, 
na' ẕnnaba': ¿biẕkze zej nak benne' ka', dan' že' ḻažo'o ḻégake'? ¿Biẕkze zej nak benne' ka', dan' ži'o wnné yoe chégake'? 
Beno' ḻégake' yeláte'ze gax̱jw ka nako' Le', na' bzo' chégake' yeḻa' ẕen, na' yeḻa' ba la'ne. 
Wnnakzo' nna biá'gake' yógo'te da' ka' beno'. Yógo'ten bdio' ḻo ná'gake': 
ẕila' ka', na' bež ka', na' yógo'te bia yix̱e' ka', 
bia zej nnita' x̱ílgakba', na' bel ka', na' yógo'te bia ka' zej nníta'ba' ḻo nisdo'. 
X̱anto' Dios, ẕente nak La la'y chio' Le' do ẕente yežlyó. 
