﻿SALMOS.
11.
Žx̱en ḻaža'a X̱ana' Dios. ¿Biẕ chen' že'gak benách ka' neda': “Bẕonnj, wyéj ḻaw ya'a ka to byinne”? 
Bwia nga, ẕkwezgak benne' ka' bi zej nake' chawe' yag ntóche'do' ka' chégake'. Ba bx̱óagake' yag ntóche'do' ka' chégake' ḻo do chen, nich gótgake' bagáche'ze benne' chawe' ka'. 
Chela' kwasgak da' ka' ẕzoagak chochen da' chawe', ¿biẕkze gongak benne' chawe' ka'? 
X̱anžo Dios zoakze' latje la'y chie'. Ya'abá na'kze zoa latje blo gan že' Dios. Ẕwíagak yej ḻawe', na' ẕḻe'ele' da' žongak benne' ka'. 
X̱anžo Dios ẕbeje' benne' chawe' ka' ḻo da' zede, san bi ẕḻe'ele' chawe' benne' ka' bi zej nake' chawe' na' benne' ka' žóngake' da' ẕinnj. 
Wdíe' benne' ka' bi zej nake' chawe' ḻo da' ka' wžía yí'gaken ḻégake', da' ka' zej naken yi', na' sufr da' žeyen ka yeže, na' to be' da' ḻaḻe'e, da' ka' seḻe'e ḻawgak benne' ka'. 
Ki gone' dan' nak chawe' X̱anžo Dios, na' nži'ile' da' naken chawe'. Ḻé'egekle benne' ḻi ḻaže' ka' ḻawe' Ḻe'. 
