﻿SALMOS.
14.
Benne' ḻaẕdo' zide ka' ẕza' ḻáže'gake', na' ẕnnágake': “Bi zoa Dios.” Benne' ki zej nchix̱le yichj ḻáẕdo'gake', na' žóngake' da' bi naken chawe'. Bi zoa no benne' žone' da' naken chawe'. 
X̱anžo Dios, Bennen' zoe' ya'abá, ẕwie' benne' ka' nich ḻe'ele' cha' zoa no benne' žejni'ile', bennen' žape' Dios ba la'ne. 
Yógo'tie' bejchíx̱gekle'. Yógo'tie' zej nchix̱le yichj ḻáẕdo'gake'. Bi zoa no benne' žone' da' naken chawe', nitóe'. 
¿Bi žejní'igekle benne' ka' žóngake' da' ẕinnj? Ẕzóẕjgake' benne' chia' ka' ka ẕzoẕj to benne' yet da' žawe', na' bi žákbe'egekle' zoa X̱anžo Dios. 
Ḻo yeḻa' ẕžebe chégake' žẕízegak benne' ka', dan' žakḻen Dios benne' chawe' ka'. 
Ẕcá'ngake' ca'ze da' wnnagak benne' yache' ka', san benne' ki žx̱én ḻáže'gake' X̱anžo Dios. 
Ḻa'kze Bennen' yeslé' benne' Israel ka'. Kate' gon X̱anžon' ga yežingak benne' chie' ka', benne' ka' zej ndo'e zíto'le, na' yebégekle ẕa'só Jakob, na' yebéḻe'egekle benne' Israel ka'. 
