﻿SALMOS.
16.
Bwia neda', Dios, dan' žx̱en ḻaža'a Le'. 
Ḻo yichj ḻáẕda'wa' žapa' Le', X̱ana' Dios: “Le' nako' X̱ana'. Bi be da' chawe' žata' chia' da' bi zan' ḻo no'o.” 
Žaz ḻáže'za' benne' ka' zej nake' che Dios ḻo yežlyó nga, na' ḻezka' benne' ka' zej nake' ḻi ḻaže'. 
Zan da' sáka'gak benne' ka' ẕka'n ẕéngake' lo'a ka'. Bi gona' ḻégake' tẕen kate' ẕḻáljgake' žen ḻáwgaken, na' bi wkonla' žin lágaken. 
X̱anžo Dios ẕwawe' neda' na' nake' da' chawe' chia'. Le', Dios, žape chi'o yeḻa' nban chia'. 
Da' žonno' chia' naken da' ba nez ẕen da' ẕzi'a, na' x̱tanḻe'e nak latje gan bzo' neda'. 
Wká'n ẕénteza' X̱anžo Dios, Bennen' žsedle' neda'. Kate' ne ẕtasa' ẕzejni'ile' neda' ḻo yichj ḻáẕda'wa'. 
Žx̱en ḻaža'a X̱anžo Dios yezi'e neda'. Dan' zoe' kwita', bi be gak wcheben neda'. 
Che ḻen zoa ḻáẕda'wa' yeḻa' žebél, na' žebéḻe'etezla', na' kate' gacha'a ḻo yežw ba wx̱én ḻaža'a Le' 
dan' bi wka'no' be' da' nakkza' ḻo latje choḻ chegak benne' gat ka', na' bi go'o latje nitla' dan' nakkza' chio' Le'. 
Wḻoe'elo' neda' da' žaḻa' gona' nich gata' chia' yeḻa' nban. Gan zo' Le' yebéḻe'etezla', na' kwito' Le' sóateze yeḻa' ba nez ẕen chia'. 
