﻿SALMOS.
24.
Che Dios nak yežlyó nga, na' yógo'te da' že' ḻawen'. Nak chie' yežlyón', na' benne' ka' nníta'gake' ga na'. 
Bzoen' ḻawle nisdo', na' bzaḻe'e x̱ni'an že'lte ẕan nisdo'. 
¿Noẕkze benne' gak kwene' ya'a che X̱anžon'? ¿Noẕkze benne' gak choe'e yodo' la'y chie'? 
Wak benne' ka' zej nak chawe' da' žóngake', na' da' ẕza' ḻáže'gake', benne' ka' bi na' wchís ná'gake' ḻawgak lo'a ka', na' bi na' wchebe ḻáže'gake' ni'a che da' bi naken ḻi ḻaže'. 
X̱anžon' gon chawe'e benne' ki. Dios wchi'a ḻaže'e benne' ki, na' yeslé' ḻégake'. 
Ki zej nak benne' ka' ẕbíga'gake' ḻaw Dios, benne' ka' žó'ogake' gan zoa Dios che Jakob. 
Le wsaljw gan žo'ogak benne' ka' yodo'. Le wsaljw gan žo'ogak benne' ka' gan naken la'y, na' cho'o Benne' Wnná Bia' Ẕente. 
¿Noẕkzen' Benne' Wnná Bia' Ẕente ni? Nake' X̱anžon', Benne' waḻe, na' nape' dot yeḻa' wak. Nake' X̱anžon', Bennen' ẕzoele' ḻo wdiḻe. 
Le wsaljw gan žo'ogak benne' ka' yodo'. Le wsaljw gan žo'ogak benne' ka' gan naken la'y, na' cho'o Benne' Wnná Bia' Ẕente. 
¿Noẕkzen' Benne' Wnná Bia' Ẕente ni? Nake' X̱anžon', Bennen' ẕnna bi'e gáte'teze. Ḻe' nake' Benne' Wnná Bia' Ẕente na'. 
