﻿SALMOS.
52.
¿Ẕka'n ẕen kwino', benne' waḻe, ni'a che da' ẕinnj da' beno' dan' zóateze yeḻa' žeyache' ḻaže' che Dios? 
Ẕcháḻjtezo' che da' ẕia da' gono' che lježo'. Da' ẕnno' naken ka to ya ntoche' dan' žon ḻáže'len lježon'. 
Nží'iželo' da' bi nak chawe' ka nži'ilo' da' naken chawe' na' ẕdan ḻáže'žo' da' wen ḻaže' ka ẕdan ḻažo'o da' li. 
Nži'ilo' diža' ka' žon dítjgeklen benne' ka', le', benne' wen ḻaže'. 
Ni'a che da' ki wžía yi' Dios le' to chi'ize. Gox̱e' le', na' yeké'e le' gan zoakzo', na' wkwase' le' gan zej nnita' benne' ban ka'. 
Ḻé'egekle benne' chawe' ka' da' ni, na' žébegake'. Wẕížegake' chio' le', na' nnágake': 
“Le wia nga, benne' ni bi bx̱en ḻaže'e Dios nich gape chi'e ḻe'. Bx̱en ḻáže'kze' yeḻa' wnni'a ẕenḻe'e chie', na' nga'nze' ḻo da' bi nak chawe' da' žone'.” 
San neda' naka' ka to yag olibo dan' žen' ḻi'a liž Dios. Žx̱en ḻáže'teza' yeḻa' žeyache' ḻaže' che Dios. 
Wká'n ẕenkza' Ḻe' to chi'ize dan' bene' da' ki. Wx̱én ḻaža'a La la'y chie' ḻawgak benne' chie' ka' dan' naken chawe' gonan'. 
