﻿SALMOS.
53.
Benne' yaḻ ḻaže' ka' ḻo ḻáẕdo'gake' ẕnnágake': “Bi zoa Dios.” Yógo'tie' zej nbage'e ẕia, dan' béngake' da' ẕinnj. Bi zoa no benne' žone' da' naken chawe'. 
Zoa Dios ya'abá, na' ẕwie' benne' ka', nich ḻe'ele' cha' zoa no benne' žejni'ile', bennen' žape' Dios ba la'ne, 
san yógo'te benne' ka' zej nbej yíchjgake' Dios. Yógo'tie' zej nbage'e ẕia. Bi zoa no benne' žone' da' naken chawe', nitóe'. 
Ẕnna Dios: “¿Bi žejní'igekle benne' wen da' ẕinnj ka'? Že'j žáwgake' da' ẕbángake' chegak benách chia' ka', na' bi žénegekle' gónbia'gake' neda'.” 
San žin ža žébegake' da' sáka'gake'. Gosḻas Dios žit chegak benne' ka' ẕdíḻ-ḻengake' benách chie' ka'. Dios wzóe' ḻégake' cheḻa'ale, na' wžía yi'e ḻégake'. 
Ẕnnabla' Dios gone' ga žoj ḻo yež Sión da' gákḻenen benne' Israel ka'. Kate' gon Dios ga yeḻa'gak benne' chie' ka' lážgake', yebégekle ẕa'só Jakob ka', na' gak yeḻa' ba nez ẕen chegak benne' Israel ka'. 
