﻿SALMOS.
54.
Beslá neda', Dios, ḻen yeḻa' wak chio'. Gokḻen neda', Dios, ḻen yeḻa' waḻe chio'. 
Benle da' ẕnnabla' Le', Dios, na' bechebe chia'. Bze nag da' wcháḻjḻena' Le'. 
Za'gak benne' snia ka' nich tíḻ-ḻengake' neda'. Benne' yichj ža'a ka' žénegekle' gótgake' neda', benne' ka' bi žápegake' Le' ba la'ne, Dios. 
X̱anžo Dios nake' Bennen' žákḻene' neda'. Dios zóaḻene' benne' ka' žape chí'igake' neda'. 
Dios yebi'e chegak benne' ka' bi ẕḻé'egekle' neda' chawe' ka nak da' bi nak chawe' da' žóngake'. Wžía yi'e benne' ka' dan' nake' Ḻe' ḻi ḻaže'. 
Dot ḻaža'a wneẕjwa' da' ko'a ḻawo' Le', X̱ana' Dios. Wká'n ẕenkza' La la'y chio' dan' nakḻe'en chawe'. 
Besló' neda' ḻo yógo'te da' goken chia'. Bḻe'ela' wžía yi'gak benne' ka' bžá'agake' neda'. 
