﻿SALMOS.
61.
X̱ana' Dios, benle da' žḻiža' Le'. Bze nag da' ẕcháḻjḻena' Le'. 
Zi'to' gan zoa laža' žḻiža' Le', dan' žedó ḻaža'a. Bche' neda' gan zoa Bennen' nake' ka to ya'a yej, Bennen' nakže' waḻe ka neda'. 
Nako' Le' Benne' nox̱e' neda', na' nako' ka to ze'e yej da' žape chi'in neda' ḻawgak benne' ka' bi ẕḻé'egekle' neda' chawe'. 
Sóateza' ḻo yo'o la'y chio'. Kwe' chawa'a kwito' Le' kan zej že' chawe' bríse'do' ka' ẕan x̱il ẕkoko'. 
Dan' benlo' Le', Dios, da' wchebe ḻaža'a ḻawo', beno' ga napa' da' žápegak benne' ka' ẕžébegake' Le'. 
Gono' ga soa' nbana', na' ga nna bi'a ža zante. Yiz chia' ka' gákgaken ka da' zej naken chegak chope kwe' benne' ka'. 
Sóateza' ḻawo' Le', Dios. Bkwez yeḻa' žeyache' ḻaže' chio', na' da' li nich wká'n cháwe'gaken neda', benne' wnná bia'. 
Goḻkza' che La la'y chio' Le' to chi'ize, na' gonkza' tža tža da' bchebe ḻaža'a gona'. 
