﻿SALMOS.
67.
Dios, beyache' ḻaže'l neto', na' ben chawe' neto'. Ḻo yeḻa' ži'i ḻaže' chio' wzoaḻen neto'. 
Naž gónbia'gak benách dot yežlyó da' žaz ḻažo'o Le', na' nnézgekle benne' yógo'te yež žesló' benne' ka'. 
Yógo'te benne' ka' we ḻáwgake' Le', Dios. Yógo'tegake' wká'n ẕéngake' Le'. 
Le yebele, na' le soa ḻo yeḻa' ba nez, ḻe'e, benne' yógo'te yež ka'. Wchi'a ḻaže' Dios ḻe'e ḻo da' naken chawe'. Gape chi'ikze' yógo'te benne' ka'. 
Yógo'te benne' ka' we ḻáwgake' Le', Dios. Yógo'tegake' wká'n ẕéngake' Le'. 
Yežlyó nga žen' x̱ni'a chen. Dan' ben chawe' Dios žo'o, nake' Dios chežo. 
Dios ben cháwe'kze' žo'o. Gáte'teze žaḻa' gápegak benne' ka' Ḻe' ba la'ne. 
