﻿SALMOS.
75.
“Žóx̱keno'”, že'to' Le', Dios: “žóx̱keno'.” Ẕzenlto' benách ka' zóaḻeno' Le' neto', na' beno' da' ka' žóngaken ga žebanlto'. 
Ẕnna Dios: “Bzoa' ža wchi'a ḻaža'a benne' ka'. Wchi'a ḻaža'a ḻo da' nak chawe'. 
Ḻa'kze x̱o' dot yežlyó, na' x̱ize yógo'te da' de, gona' ga ga'n choch x̱ni'a yežlyón'. 
Žapa' benne' yaḻ ḻaže' ka': Bi sa' ḻáže'le da' ẕen. Žapa' benne' wen da' ẕinnj ka': Bi wká'n ẕen kwinle. 
Bi wx̱én ḻáže'le yeḻa' waḻe chele. Bi gakle benne' ḻaẕdo' zide ka'.” 
Bi za' yeḻa' ẕen gan ẕḻa' wbíž, na' gan ženen, na' bi zan' ḻo latje dache. 
Dios nake' Benne' wchi'a ḻaže'e benne' ka'. Ẕka'ne' ka'ze to benne', na' ẕka'n ẕene' yetóe'. 
Dios nox̱e' to ẕiga', da' nžan' x̱is uba waḻ, dan' zejḻasen yeḻa' ẕža'a chie'. Wlaljen', na' benne' wen da' ẕinnj ka' yé'jgaken'. Yé'jgaken' na' zejte yebižten, 
san neda' wzenkzla' benne' ka', na' goḻa' da' we ḻawa' Dios che Jakob. 
Wchinnje' yeḻa' wak chegak benne' wen da' ẕinnj ka', san yesgóleže' yeḻa' wak chegak benne' chawe' ka'. 
