﻿SALMOS.
82.
Zoa Dios gan zej ndobe benne' ka' ẕchi'a ḻáže'gake' benne' chie' ka'. Dios ẕchi'a ḻaže'e benne' ka' ẕchi'a ḻáže'gake' benne' chie' ka'. 
Ẕnna Dios: “¿Wchi'a ḻáže'tezle benne' chia' ka' ḻo da' bi nak chawe', na' gaple ba la'ne benne' ka' bebéj yíchjgake' neda'? 
Le gakḻen benne' yache' ka', na' bi' wzebe ka'. Le yeyón ẕen benne' gax̱jw ḻaže' ka', na' benne' ka' žiážjegekle'. 
Le gon choch benne' ka' žedó ḻáže'gake', na' benne' yache' ka'. Le yeslá ḻégake' ḻo na'gak benne' wen da' ẕinnj ka'. 
Bi be nnézlele, na' bi žejní'ilele, na' ẕdale ḻo da' choḻ. Žẕizgak yógo'te da' zej de yežlyó. 
Neda' wnnía': nakkzle ḻe'e ka dios ka', na' nakle yógo'tele ka ẕi'nkze Dios ẕente, 
san gatle ka žatgak yógo'te benne' ka', na' chejchégwle kan žon nóte'teze benne' wnná bia'.” 
Wzó ža', Dios, na' bchi'a ḻaže' benne' yežlyó ka', dan' yógo'te yež ka' yó'ogaken ḻo no'o. 
