﻿SALMOS.
93.
X̱anžo Dios nake' Benne' Wnná Bia' Ẕen, na' nakwe' da' záka'ḻe'en. Da' nžejw ḻi'e naken yeḻa' wak ẕen. Bzoa choche' yežlyó nga, na' bi gak no benne' wtén'. 
Gan ži'o ẕnna bi'o, X̱anto' Dios, wzóa chochen ža ni'te na' Le' zoakzo' to chi'ize. 
Žónḻe'egak yegw ka' žax̱to', X̱anto' Dios. Žónḻe'egaken žax̱to', na' ẕnnégaken zižje. 
X̱anžon', Bennen' zoe' ya'abá, napže' yeḻa' wak ka nak da' zej nape yegw ka' žónḻe'egaken žax̱to', na' ka nak da' nape nis ẕgo'nen che nisdo'. 
Chochḻe'e zej nak da' ka' wnnakzo', X̱anto' Dios. La'y nakkze yodo' chio' to chi'ize. 
