﻿SALMOS.
98.
Le goḻ che X̱anžon' to da' kob dan' bene' da' žonen ga žebanlžo. Ḻen yeḻa' waḻe chie', na' yeḻa' wak la'y chie' bzex̱jwe' benne' ka' ẕží'igake' chie'. 
X̱anžon' bzenle' benách ka' kan žeslé' ḻégake'. Bzenle' benne' yež ka' ka nak da' chawe' chie'. 
Bene' da' bchebe ḻaže'e gone' chegak benne' Israel ka' ni'a che yeḻa' ḻi ḻaže', na' yeḻa' nži'il chie'. Yógo'te benách bḻé'egekle' da' ben Dios ni'a chežo. 
Le goḻ ḻen yeḻa' žebele ḻaw X̱anžon', ḻe'e zoale dot yežlyó nga. Le wká'n ẕene' Ḻe' ḻen da' goḻ-le. Ḻo yeḻa' žebele chele, le kwéžeya'a. 
Le goḻ da' we ḻawle X̱anžon'. Le goḻ ḻen da' ka' žóḻ-ḻenle, da' ka' chinnle. 
Le wkwéž lozgak bia ka', na' yezika' da' ka' ẕgol-le, na' le kwéžeya'a ḻo yeḻa' žebele chele ḻaw X̱anžon', Bennen' ẕnna bi'e žo'o. 
Le nne, nisdo', na' bia ka' zoale ga na'. Le goḻ, ḻe'e, yežlyó, na' ḻe'e zoale ga na'. 
Le kapa' na'le, ḻe'e, yegw ka'. Le goḻ ḻo yeḻa' žebele, ḻe'e, ya'a ka', ḻaw X̱anžon', 
dan' yide' yedjnná bi'e yežlyó nga. Nna bi'e benne' ka' nníta'gake' do ẕente yežlyó ḻen da' nak chawe', na' benách yógo'te yež ka' ḻen da' naken dot da' li. 
