﻿SALMOS.
101.
Góḻteza' kan zej nak yeḻa' ži'i ḻaže', na' yeḻa' ḻi ḻaže' chio'. Góḻteza' chio' Le', X̱ana' Dios. 
Žak ḻaža'a gona' da' naken ḻi ḻaže'. ¿Batx̱ yido' gákḻeno' neda'? Dot ḻaža'a goḻkza' ḻo ližkza' neda'. 
Batkle ko'o ḻaža'a gona' to da' ẕinnj. Bi ẕḻe'ela' chawe' da' žongak benne' ka' ẕbej yíchjgake' Dios. Batkle wa'a latje bíga'gake' gan zoa' neda'. 
Wkwasa' ḻo yichj ḻáẕda'wa' da' ẕinnj, na' bi ko'o ḻaža'a gona' da' bi nak chawe'. 
Wnnita'a cheḻa'ale benne' ka' ẕnnégake' chegak benne' yoble ka' bagáche'ze. Bi wa'a latje soaḻen neda' to benne' ẕka'n ẕen kwine', bennen' ẕži'e che Dios. 
Ḻe'ela' chawe' benne' ka' zej nake' ḻi ḻaže' ḻaw Dios, nich gónḻengake' neda' tẕen. Benne' ka' zej nake' dot ḻaže' góngake' žin chia'. 
Bi wa'a latje no benne' žon ḻáže'le' choe'e liža'. Bi wa'a latje to benne' wen ḻaže' soe' gan zoa'. 
Tža tža wnnita'a žize benne' wen da' ẕinnj ka', benne' ka' nníta'gake' ḻo yežlyó chia'. Wkwasa' yógo'te benne' wen da' ẕinnj ka' ḻo yež che X̱anžo Dios. 
