﻿SALMOS.
110.
X̱anžo Dios gože' X̱ana': “Wžé' kwita' ḻi ža gan ži'a neda', na' zejte ža gona' ga benne' ka' bi ẕḻé'egekle' Le' chawe' wzóa ẕíbgake' x̱ni'o.” 
Gan zo' yež Sión, gonn X̱anžon' yeḻa' wnná bia' chio'. Ẕnne': “Wnná bia' benne' ka' ẕdíḻ-ḻengake' Le'. 
Ḻo ža kate' wzetjo' benne' ka' bi ẕḻé'egekle' ḻe' chawe', dot ḻáže'gak benne' chio' ka' wdé kwíngake' ḻo no'o, ka žon x̱le'l zílele, da' žakwn ya'a la'y chia' ka'. Kikze yeyák yiz kwide' chio' tža tža.” 
Bchebe ḻaže' X̱anžon', na' bi wché'e x̱tiže'e, wnné': “To chi'ize nako' bx̱oz kan gok bx̱oz Melkisedek.” 
Zoa X̱anžon' kwito' ḻi ža gan zo'. Kate' že'e, na' wžía yi'e benne' wnná bia' ka'. 
Choge' chegak benne' yógo'te yež ka' gátgake', na' gote' benne' zante yež ka'. Wžía yi'e benne' ka' ẕnna biá'gake' do ẕente yežlyó. 
Ye'je' nis yégodo' da' zoan žoa'a nez, na' yeyák yeḻa' waḻe chie'. 
