﻿SALMOS.
113.
¡Ga'n ẕen X̱anžo Dios! Ḻe'e, wen žin chie', ¡le wká'n ẕen La la'y chie'! 
¡Ga'n ẕen La la'y che X̱anžo Dios, na'a ža, na' to chi'ize! 
¡Ga'n ẕen La la'y che X̱anžo Dios, gan ẕḻa' wbíž ga žinte gan ženen! 
¡Ga'n ẕen X̱anžo Dios ḻawle yógo'te yež ka', na' ḻawle ya'abá že' yeḻa' ẕen chie'! 
¿Noẕkze benne' nake' ẕen ka nak X̱anžo Dios, Bennen' ẕnna bi'e ya'abá na'le? 
Dios žon kwine' gax̱jw ḻaže' nich gak ḻe'ele' da' de ẕan ya'abá, na' ḻo yežlyó. 
Dios žechise' benne' yache' ḻo bix̱te yo, na' žebeje' benne' nyache' ḻaže' ḻo da' ẕzáka'ḻi'e, 
na' žone' ga že'gak benne' ki ladjw benne' blo ka', benne' ka' ẕnna biá'gake' benne' chie' ka'. 
Žone' ga zoa no'le wbíž ládjwgak x̱kwide' chekze' ka'. Žebele no'len' dan' nake' x̱na'gak x̱kwide' chie' ka'. ¡Ga'n ẕen X̱anžo Dios! 
