﻿SALMOS.
120.
Kate' wžé' zedla' bḻiža' X̱anžo Dios, na' Ḻe' gókḻene' neda'. 
X̱ana' Dios, beslá neda' ḻo na'gak benne' wen ḻaže' ka' na' ḻo na'gak benne' ka' bi zej nake' ḻi ḻaže'. 
¿Biẕ gonn Dios ḻe'e, benne' wen laže' ka'? ¿Biẕ yeḻa' ba nez gaken chele kate' wdíe' ḻe'e ḻo da' wžía yin' benách ka'? 
Wsaka' zi'gak yag ntóche'do' chie' ka' ḻe'e, na' yag ka' zoa yi' ḻáwe'lgaken. 
Da' nyáche'ḻe'e žaken chia' neda'. Zoakza' ladjw benne' Mesek ka', na' zoa' to yo'o laže' chegak benne' Sedar ka'. 
Schaḻe'e ba wzóa' ladjw benne' ki, benne' ka' ẕzóagake' cheḻa'ale yeḻa' ẕga'n chawe'. 
Neda' žak ḻaža'a gata' yeḻa' ẕga'n chawe', san kate' ẕchaḻja' chen, ẕdíḻ-ḻengak benne' ka' neda'. 
