﻿SALMOS.
121.
Ẕchis ḻawa', na' ẕwia' da' žak ḻawgak ya'a sibe ka'. ¿Gaẕ za' da' gákḻenen neda'? 
Da' gákḻenen neda' za' ḻo na' X̱anžo Dios, Bennen' bene' ya'abá, na' yežlyó. 
Bi go'e latje chejchego'o, na' bi tas Bennen' žape chi'ikze' le'. 
Bwia nga, batkle ẕnnan tas Bennen'. Batkle tas Bennen' žape chi'ikze' benne' Israel ka'. 
X̱anžo Dios žape chi'e le'. X̱anžo Dios zoe' kwito' ḻi ža gan gake' ẕoḻ chio'. 
Bi wzéy wbíž le' te ža, na' bi be gon byo' chio' žel. 
X̱anžo Dios gape chi'ikze' le' nich bi be da' ẕia gaken chio'. Gape chi'ikze' yeḻa' nban chio'. 
X̱anžo Dios gape chi'ikze' le' kate' žežojo', na' kate' žeyó'o, na'a ža, na' to chi'ize. 
