﻿SALMOS.
124.
“Chela' bi gokḻen X̱anžo Dios žo'o”, žaḻa' nnagak benne' Israel ka' na'a. 
“Chela' bi gokḻen X̱anžo Dios žo'o kate' bdíḻ-ḻengak benne' ka' žo'o, 
na' bžia yí'gake' žo'o to chi'ize ḻo yeḻa' ẕža'a ẕen chégake', 
na' gok chežo ka žak che to benne' ẕkache' nisdo' ḻe', na' žoten ḻe'.” 
Chela' gok ki chežo, na' la' betten žo'o. 
Žaḻa' ye'žo X̱anžo Dios “žóx̱keno'”, dan' bi bi'e latje benne' ka' wžía yí'gake' žo'o. 
Belažo kan želá to byinne ḻo yix̱jw che to benne' wezén byinne ka'. Beká'a X̱anžon' yeḻa' wnná bia' chegak benne' ka', na' belažo. 
Nak X̱anžo Dios Bennen' benkze' ya'abá, na' yežlyó. Ḻekze' žákḻene' žo'o. 
