﻿SALMOS.
130.
Ga že' zedla' ni žḻiža' Le', X̱ana' Dios. 
X̱ana' Dios, benle chia'. Bze nag da' ẕnnabla' Le'. 
X̱ana' Dios, cha' ẕwio' binlo doḻa' da' nbága'to', ¿noẕkze benne' ga'ne' chawe' ḻawo' Le'? 
San Le' ženít ḻawo'o cheto', nich gapto' Le' ba la'ne. 
Dot ḻaža'a žx̱en ḻaža'a X̱anžo Dios, na' žx̱en ḻaža'a x̱tiže'e. 
Ẕbez ḻáže'ža' X̱anžo Dios, ka žongak benne' ka' žape chí'igake' to yež, ẕbez ḻáže'gake' cha'ní', na' ka žongak benne' wape chi'i ka' ẕbez ḻáže'gake' cha'ní'. 
Benne' Israel ka' žaḻa' wx̱én ḻáže'gake' X̱anžo Dios dan' žeyache' ḻaže'l X̱anžon' benne' chie' ka'. Žape chi'e benne' ka' ḻo da' žongak benne' ka' bi ẕḻé'egekle' ḻégake' chawe'. 
Ḻe' yeya'we' benne' Israel ka' ḻo na' yógo'te doḻa' da' zej nbage'e. 
