﻿SALMOS.
141.
X̱ana' Dios, žḻiža' Le'. Da ka' gaze gákḻeno' neda'. Benle chi'a kate' wḻiža' Le'. 
Ben ga kwen da' ẕnnabla' ḻawo' Le' ka to žen ẕix̱. Wẕí' da' ẕchisa' ḻawo' Le' ka to biado' žota'-ba' ḻawo' Le'. 
X̱ana' Dios, wdape chi'i žoa'a nich bi nnia' to da' bi nak chawe'. 
Bi go'o latje se ḻaža'a gona' to da' ẕinnj nich bi gona' to da' bi nak chawe', na' nich bi gáwḻena' benne' wen da' ẕinnj ka' tẕen che lni chégake'. 
Cha' to benne' chawe' wsake'e neda', gaken chia' to da' chawe', na' cha' tiḻe' neda', gaken chia' ka to da' ẕlaḻe'e ẕix̱ dan' ẕgo'e yichja', na' nnábtezla' Dios gon chawe'e ḻe'. 
Kate' bíx̱jegak benne' blo ka' chegak benne' wen da' ẕinnj ka' ḻe'e ya'a yej ka', na' gákbe'egekle benách ka' nak chawe' da' ẕnnia'. 
Gáslasgak žit chegak benne' ka' žoa'a yežw ba chégake'. Gá'ngaken ka bcheko yo ka' gan ža'n beže. 
Che ḻen ẕwia' gan zo' Le', X̱ana' Dios. Žx̱en ḻaža'a Le'. Bi kwej yichjo' neda'. 
Bwia neda' nich bi sen do yeḻj chegak benne' wen da' ẕinnj ka' neda', na' nich bi chejchaza' ḻo da' wlékgake'. 
Ben ga chejchazgak benne' wen da' ẕinnj ka' ḻo do yeḻj da' wlékgake', x̱ak tia' neda' ga na' dot cháwe'do'. 
