﻿SALMOS.
149.
¡Le wká'n ẕen X̱anžo Dios! ¡Le goḻ che X̱anžon' to da' kobe! ¡Le wká'n ẕene' Ḻe' gan zej ndobe benne' chie' ka'! 
¡Le yebele, ḻe'e, benne' Israel ka', ḻaw Dios, Bennen' bene' ḻe'e! ¡Le yebele, ḻe'e, zoale yež Sión, ḻaw Dios, Bennen' nake' Benne' Wnná Bia' Ẕen chele! 
¡Le wká'n ẕen La la'y che X̱anžon', na' wya'ale! ¡Le wchoncho yid ka', na' le wchínnj da' ka' ẕgoḻ-le, nich we ḻawle Ḻe'! 
X̱anžo Dios žaz ḻaže'e benne' chie' ka'. Žape' ba la'ne benne' gax̱jw ḻaže' ka', na' žeslé' ḻégake'. 
Žaḻa' yebégekle benne' chie' ka' ḻo yeḻa' ẕen chie', na' góḻgake' ḻo yeḻa' žebele chégake' dot yele. 
Žaḻa' kwéžeya'agake', nich we ḻáwgake' Dios, zej noe'e ya ntoche' ka' da' zej nla žop ḻa'aten, 
nich yezí'gake' wzón benne' zi'to' ka', na' góngake' benách yež ka' ẕia, 
na' nich wchéjgake' benne' wnná bia' ka' do ya, na' ḻezka' benne' waḻe ka', 
na' nich wžía yí'gake' benne' ka' ka wnnakze Dios gaken chégake'. Da' ni gaken yeḻa' ba nez ẕen chegak benne' ka' che Dios. ¡Ga'n ẕen X̱anžon'! 
