﻿SALMOS.
150.
¡Le wká'n ẕen X̱anžo Dios! ¡Le wká'n ẕen X̱anžon' ḻo yodo' la'y chie'! ¡Le wká'n ẕen yeḻa' wak chie' ḻo ya'abá chie'! 
¡Le wká'n ẕene' Ḻe' ni'a che da' ẕen da' bene'! ¡Le wká'n ẕene' Ḻe' ni'a che yeḻa' ẕen chie'! 
¡Le wká'n ẕene' Ḻe', wkwéẕele lozgak bia ka'! ¡Le wká'n ẕene' Ḻe', chínnele da' žóḻ-ḻento' ka'! 
¡Le wká'n ẕene' Ḻe', wchónchwle yid, na' wya'ale! ¡Le wká'n ẕene' Ḻe', chínnele da' ka', na' wkwéẕele bžéjwdo' ka'! 
¡Le wká'n ẕene' Ḻe', wtiḻ-le yado' ka'! ¡Le wká'n ẕene' Ḻe', wtiḻ-le ya ẕen ka'! 
¡Le wká'n ẕen X̱anžon', yógo'tele zoale nbanle! ¡Le wká'n ẕen X̱anžo Dios!
